Mio GPS
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» mio360 جهاز
قصيدة يوميات طالب راسب ( تضحك) I_icon_minitimeالسبت يوليو 19, 2014 9:13 pm من طرف jassemkh

» الفرع الرئيسى (الخبر)
قصيدة يوميات طالب راسب ( تضحك) I_icon_minitimeالسبت يوليو 19, 2014 7:34 pm من طرف jassemkh

» خرائط الخليج العربي
قصيدة يوميات طالب راسب ( تضحك) I_icon_minitimeالجمعة نوفمبر 22, 2013 8:42 am من طرف ابوقصي

» عندك جهاز mio c230 محتاج تحديث للخرئط
قصيدة يوميات طالب راسب ( تضحك) I_icon_minitimeالأربعاء يوليو 10, 2013 3:32 am من طرف abawaneh

» مبتداء ارجو المساعده
قصيدة يوميات طالب راسب ( تضحك) I_icon_minitimeالأربعاء فبراير 13, 2013 10:11 pm من طرف mostapha cena

» طريقه ادخال الاحداثيات
قصيدة يوميات طالب راسب ( تضحك) I_icon_minitimeالأربعاء فبراير 13, 2013 10:07 pm من طرف mostapha cena

» اريد احدث خرائط لميو c230
قصيدة يوميات طالب راسب ( تضحك) I_icon_minitimeالأحد ديسمبر 30, 2012 10:03 pm من طرف sazk2020

» تحديث خرائط الخليج لجهاز C230
قصيدة يوميات طالب راسب ( تضحك) I_icon_minitimeالسبت أكتوبر 20, 2012 8:34 pm من طرف ashrafkotb

» تحديث mio
قصيدة يوميات طالب راسب ( تضحك) I_icon_minitimeالسبت أغسطس 11, 2012 1:06 pm من طرف leelee

التبادل الاعلاني
احداث منتدى مجاني

قصيدة يوميات طالب راسب ( تضحك)

2 مشترك

اذهب الى الأسفل

قصيدة يوميات طالب راسب ( تضحك) Empty قصيدة يوميات طالب راسب ( تضحك)

مُساهمة من طرف mayson الإثنين أغسطس 17, 2009 9:53 am

خلص العام الدراسي وطلعت راسب في الامتحان

رجعت البيت وحصلت الاسد منتظرني وهو غضبان

اتاريه عارف بالنتيجه من ابن عمي شحمان

قلت في قلبي: هذا الدب دومه شغال فتان

عطاني الوالد كفين وبوكس وقال لي: ما في منك فايده انته ولد خربان

تميت بغرفتي فوق سريري ملان

اسمع اغاني ايرانيه لعلي دريان

قلت: ايش يقول هذا بعد... والله انه مغني تعبان



قلت لنفسي: اسمع يا ولد روح شغل الكمبيوتر بدون ما يدري ابوك الطفشان

فتحت باب غرفتي وركضت شوي شوي مثل ركضت الفيران

وصلت للكمبيوتر وفتحته وانا اضحك مثل السبلان

قالي الكمبيوتر: يا هلا والله دومك مو شايف خير يا جربان

قلت له: سوي الكونكشن وانته ساكت لسانك طويل ما منه أمان

قالي: عشان ابوك الطيب بسويه لكن انته ولد فسدان

دخلت النت وفتحت على الشات الي بالناس عمران

حصلت اسامي وايـد!! دلوعه سمسومه ونمله ما ناقص الا أشوف عايلة خان

جلست ادور وفي النهايه طاحت عيني على وحده مسميه عمرها كهرمان

سويت كليك على اسمها وكلمتها برايفيت .... وقلت لها: يا هلا والله بالرمان

تميت أدعي يا رب ترد على وتكلمني تراني عطشان

نطرت وبعد 5 ثواني حصلت رد صغير وحلو يقول: تسلم لي يا جنتل مان

قلبي دق وطرت من الكرسي مثل الغراب الفرحان

قلت لها: من وين انتي يا زمرد يا فرقدان ؟

ردت على من البلاد العربيه ... وانت يا فلان؟

قلت لها: من بلاد العرب المليانه ظلم وطغيان

قالت لي: صدقت ...والله انك انسان فهمان

قلت لها: شو اسمج وكم عمرج ووين تدرسين ؟؟ اذا بالامكان

بعد هذا السؤال سالت نفسي ..انا شايف خير ولا بعدني جوعان

ردت على وبكل ذوق ...انا اسمي (........) 22 سنه ..جامعيه وانت يا فلان

قلت: أخ هذي اكبر مني وجامعيه بعد وانا بعدني احوس في الثانويه مثل الجربوع العرقان

رديت عليها وقلت: انا اسمي (......) 23 سنه ..واشتغل في مدينه كان

وانا بيني وبينكم ما اعرف ايش هذي كان ووين موجوده بس سمعت انه يسوا فيها مهرجان

قالت لي: وش عندك يا (......) في كان

قلت لها: الوالد عنده فندق ومخليني مدير عليه وفي الحقيقه الوالد دومه طفشان

قالت لي: على كذا اكيد لفيت أوروبا وانت حيران

قلت لها: انا ما احب اروح الا لندن وباريس مع اني ما رحت الا السودان

قالت لي: اكيد كونت صداقات في كثيير بلدان

قلت لها: اتعرفت على كثير بس ما اذكر الا جون وميتران

وانا صراحه ما اعرف الا واحد مأذيني اسمه عصمان

كل يوم يتسلف مني على باله بسوي شركه ألبان

سألتني ايش نوع السياره الي تسوقها يا (.......) يا ابن فلان

قلت لها بورش موديل 2003 وانا ما اسوق الا بيكب موديل 79 مال ايام زمان وزمان

قالت لي: الله يزيدك من نعيمه كمان وكمان

ما انتظرت ردي وسألتني ....انت مرتبط ولا بعدك عايش في عالم العزوبيه والتوهان

قلت لها: انا وحيد وما في حد يشارك قلبي بالأحزان

قالت لي: انا هنا جنبك ما رحت ولا بروح مكان

رديت عليها وقلت: انا كلني لك قلبا وعقلا ووجدان

قالت لي: ابي اسمع صوتك تراك كثير عجبتني حسيت انك انسان فنان

قلت لها: وانا اكثر لاني صرت بحبك هيمان

بس اخاف تسمعي صوتي وتقولي ايش هالطرزان

قالت لي: ولا يهمك انا قابله فيك حتى لو كنت حيوان

عطني رقمك وانا اتصلك خلال ثوان

قلت لنفسي: خلاص البنت ذابت وصار حبي في قلبها مليان

توني بكتب الرقم واحس بالساطور فوق كتفي غليان

رفعت راسي فوق مثل الاهبل فزعان

ما اشوف الا الاسد جاي لي من عرينه زحفان

قالي يا ملعون يابن الملعون جالس فوق الكمبيوتر مثل البريعصي الهربان

امشي للغرفه بوريك انا بخليك تغني اغنيه كنت نسيان

وهو يسحبني من رقبتي مثل الكلب الصعران

حصلت رساله منها تقول: وينك حبيبي عطني رقمك خليت قلبي ولهان

قلت: مسكينه حبيبتي انا رايح جهنم وهي تحسبني في كان

mayson

عدد المساهمات : 289
نقاط : 504
mio gps ksa : 0
تاريخ التسجيل : 25/07/2009

الرجوع الى أعلى الصفحة اذهب الى الأسفل

قصيدة يوميات طالب راسب ( تضحك) Empty رد: قصيدة يوميات طالب راسب ( تضحك)

مُساهمة من طرف soffar الثلاثاء أغسطس 25, 2009 8:14 am

هههههههههههههههههههههههههههههه Surprised cheers
شر البلية ما يضحك
soffar
soffar

عدد المساهمات : 285
نقاط : 484
mio gps ksa : 7
تاريخ التسجيل : 25/07/2009
العمر : 44

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى